tayanote.blogg.se

32 Ko te kupu i puta mai ki a Heremaia, he mea na Ihowa, i te tekau o nga tau o Terekia kingi o Hura, ara i te tekau ma waru o nga tau o Nepukareha.Ģ Na i taua wa e whakapaea ana a Hiruharama e te taua a te kingi o Papurona a ko Heremaia poropiti kua oti te tutaki ki roto ki te marae o te whare herehere i te whare o te kingi o Hura.ģ Na Terekia hoki, na te kingi o Hura ia i tutaki i mea tera, He aha koe i poropiti ai, i ki ai, Ko te kupu tenei a Ihowa, Nana, ka hoatu e ahau tenei pa ki te ringa o te kingi o Papurona, a ka horo i a ia Ĥ A ko Terekia kingi o Hura, e kore e mawhiti i te ringa o nga Karari engari ka tukua putia ia ki te ringa o te kingi o Papurona, a ka korero ia ki a ia he mangai ki te mangai, a e kite hoki ona kanohi i ona kanohi ĥ A ka arahina e ia a Terekia ki Papurona, a ki reira ia noho ai, kia tae atu ra ano ahau ki te tirotiro i a ia, e ai ta Ihowa ahakoa whawhai koutou ki nga Karari, e kore e taea e koutou?Ħ Na ka mea a Heremaia, I puta mai te kupu a Ihowa ki ahau, i mea ia,ħ Nana, tera e tae mai ki a koe a Hanameere tama a Harumu, a tou matua keke, a ka mea, Mau e hoko taku mara i Anatoto kei a koe na hoki te tikanga o te utu whakahoki.Ĩ Na ka haere mai ki ahau a Hanameere tama a toku matua keke, ka pera me ta Ihowa i ki ai, ki te marae o te whare herehere, a ka mea ki ahau, Tena koa, hokona taku mara i Anatoto, i te whenua o Pineamine kei a koe hoki te tikanga o taua wahi, mau ano te utu e hoki ai hokona mau.